ლაზერული ეპილაცია ზაფხულში

ლაზერული ეპილაცია ზაფხულში.

რეკომენდაციები, თუ რა უნდა გაითვალისწინოთ ალექსანდრიტის ლაზერის გაკეთებამდე

გლუვი და უთმო კანისკენ მიმავალ გზაზე, ალექსანდრიტის ლაზერი, განსაკუთრებით კი Candela-ს აპარატები, უკვე წლებია საუკეთესო არჩევნად ითვლება. მისი მოქმედების პრინციპი მარტივია: ლაზერის სხივი ამოიცნობს თმის ფოლიკულში არსებულ მუქ პიგმენტს (მელანინს) და ანადგურებს მას. თუმცა, იმისათვის, რომ შედეგი იყოს იდეალური, ხოლო პროცესი სრულიად უსაფრთხო, აუცილებელია გარკვეული წესების დაცვა, განსაკუთრებით კი ახლა – გაზაფხულის სეზონზე.

მთავარი წესი: რუჯი და ავტორუჯი კატეგორიულად აკრძალულია!

ალექსანდრიტის ლაზერის სპეციფიკიდან გამომდინარე, პროცედურის ჩატარება გარუჯულ კანზე არ შეიძლება. ბევრს ჰგონია, რომ ავტორუჯი უსაფრთხოა, რადგან მზეზე არ ვართ ნამყოფი, მაგრამ ლაზერული ეპილაციის შემთხვევაში ეს დიდი შეცდომაა.

• როდესაც ვირუჯებით (მზეზე ან სოლარიუმში), კანში მელანინის დონე იმატებს. რადგან ალექსანდრიტის ლაზერი სწორედ მელანინზე რეაგირებს, მუქ კანზე მან შეიძლება თმის ნაცვლად კანი “დაინახოს”. ამან კი შესაძლოა გამოიწვიოს დამწვრობა, პიგმენტური ლაქები ან კანის გაღიავება (ჰიპოპიგმენტაცია).
• ავტორუჯი კანის ზედაპირს ხელოვნურ პიგმენტს სძენს. ლაზერის სხივი ამ პიგმენტსაც შთანთქავს, რაც ერთის მხრივ ქმნის დამწვრობის ძალიან მაღალ რისკს, მეორეს მხრივ კი მკვეთრად ამცირებს პროცედურის ეფექტურობას, რადგან ლაზერის სხივი თმის ძირამდე ვეღარ აღწევს.

მნიშვნელოვანია, რომ ეპილაციამდე მინიმუმ 2-3 კვირით ადრე კანი უნდა იყოს სრულად დაცლილი როგორც ბუნებრივი, ისე ხელოვნური რუჯისგან!

რეკომენდაციები: როგორ მოვემზადოთ პროცედურისთვის?

ზაფხულში მზე საკმაოდ აქტიურია, ამიტომ ეპილაციის წინ და შემდეგ განსაკუთრებული სიფრთხილე გვმართებს, რათა კანი ზედმეტი სტრესისგან დავიცვათ. ეპილაციამდე გაითვალისწინეთ შემდეგი რეკომენდაციები:

• გამოიყენეთ მზისგან დამცავი (SPF 50+): თუ პროცედურას იტარებთ სხეულის ისეთ ზონაზე, რომელსაც მზე ხვდება (მაგალითად: სახე, კისერი, მკლავები, წვივები), ყოველდღიურად წაისვით მზისგან დამცავი  პროცედურამდეც და მის შემდეგაც.
• მოერიდეთ პირდაპირ მზეს: პროცედურამდე მინიმუმ 2 კვირით ადრე მოერიდეთ მზეზე დიდხანს ყოფნას. გაზაფხულის მზე მატყუარაა და კანი შეიძლება შეუმჩნევლად შეიფეროს ყოველდღიური სეირნობის დროსაც კი.
• თმის იდეალური სიგრძე (1-2 მმ): ალექსანდრიტის ლაზერზე ვიზიტისას ზონა ახალი გაპარსული არ უნდა იყოს. ოდნავ ამოსული თმა ლაზერისთვის საუკეთესოა ფესვის გასანადგურებლად. თუმცა, გახსოვდეთ: ზედმეტად გრძელი თმა ქმნის დამწვრობის რისკს. 
• ეპილაციამდე 2-3 დღით ადრე მოერიდეთ იმ ზონების უხეშ სკრაბირებას, სადაც პროცედურას გეგმავ. ასევე, თუ სახის ეპილაციას იკეთებ, დროებით შეაჩერე რეტინოლის, გლიკოლის ან სალიცილის მჟავის შემცველი კოსმეტიკური საშუალებების გამოყენება. 

ახლა იდეალური დროა ალექსანდრიტის ლაზერით ეპილაციის კურსის დასაწყებად ან გასაგრძელებლად, რათა ზაფხულს თავდაჯერებული შეხვდე. 

იდეალური შედეგი სწორი მომზადებით იწყება. გაუფრთხილდით თქვენს კანს, დაიცავით რეკომენდაციები და დახვდით ზაფხულს აბრეშუმივით გლუვი კანით, რადგან თქვენ იმსახურებთ საუკეთესოს!

დამატებით, იხილეთ ჩვენი სტატია რუჯი და ლაზერული ეპილაციის შესახებ.