კანის მოვლა დღესასწაულების პერიოდში და მის შემდეგ
დეკემბრის ხმაურიანი წვეულებების შემდეგ, იანვარი ხშირად იწყება გამოფიტული და შეშუპებული სახის კანით. თუ სარკეში ჩახედვისას ამჩნევ, რომ სახემ დაკარგა ფერი, გაჩნდა შეშუპება და წვრილი ნაოჭები უფრო შესამჩნევი გახდა, ეს არ არის მხოლოდ დაღლილობა. ეს არის კანის რესურსების ამოწურვა, ანუ ეგრეთ წოდებული „Burnout“.
თუ გაინტერესებს, რა ემართება რეალურად ჩვენს ეპიდერმისს რეჟიმის დარღვევისას და როგორ დავაბრუნოთ სადღესასწაულო ბრწყინვალება მაკიაჟის გარეშე, გაეცანი ბლოგს.
დღესასწაულებზე ჩვენი ყოველდღიური რეჟიმი ირღვევა, ღამის თევა კი უარყოფითად აისახება რეგენერაციის ციკლზე. ღამის 23:00-დან 04:00 საათამდე კანის უჯრედები ყველაზე აქტიურად მუშაობენ დაზიანებების აღსადგენად. შესაბამისად, როდესაც ამ დროს არ გვძინავს, ეს სასიცოცხლო პროცესი ფერხდება.
შედეგად, იზრდება სტრესის ჰორმონის – კორტიზოლის დონე. კორტიზოლი აზიანებს ცილოვან სტრუქტურებს და შლის კოლაგენს, რაც კანს ელასტიურობას უკარგავს. ვიზუალურად ეს გამოიხატება დაღლილი იერითა და სახის ოვალის მოდუნებით.
ამ ყველაფერთან ერთად, ტკბილეულის ჭარბი მიღება, გარდა წონისა, პირდაპირ საფრთხეს უქმნის კანის ჯანსაღ იერს. სისხლში არსებული ჭარბი გლუკოზა უკავშირდება კოლაგენისა და ელასტინის ბოჭკოებს – ამ პროცესს გლიკაცია ეწოდება. შედეგად კი, ბოჭკოები ხდება მსხვრევადი და უხეში, კანი კარგავს „ზამბარის“ ეფექტს და მიმიკური მოძრაობის შემდეგ ვეღარ უბრუნდება საწყის ფორმას. გლიკაცია ასევე განაპირობებს კანის ნაადრევ დაბერებასა და მოყვითალო ელფერის გაჩენას.
ამასთანავე, ყველასთვის ცნობილია, რომ ალკოჰოლი და მარილიანი საკვები სითხეს აკავებს ქსოვილებში, თუმცა არა უჯრედის შიგნით, არამედ უჯრედშორის სივრცეში. ეს იწვევს თვალების გარშემო და სახის ნაკვთების შეშუპებას. დარღვეული ლიმფური დინება ტოქსინების დაგროვებას უწყობს ხელს, რაც კანს არაჯანსაღ, მიწისფერ შეფერილობას ანიჭებს.
ამ კანისთვის სტრესიული პერიოდის შემდეგ აუცილებელია გავაკეთოთ სხვადასხვა რამ საკუთარი თავისთვის, რათა სახეს დავუბრუნოთ წინარე ელფერი. ამ დროს კრიოთერაპია, ლინფოდრენაჟული მასაჟი და ანტიოქსიდანტები ერთ-ერთი ყველაზე კარგი გამოსავალია.
კრიოთერაპია (სიცივე): მოერიდე ცხელი წყლით პირის დაბანას. შეშუპების დასაცხრობად საუკეთესოა ყინულის კუბები (შეგიძლია გაყინო გვირილის ნაყენი) ან მაცივარში შენახული კოსმეტიკური როლერი. სიცივე ავიწროებს სისხლძარღვებს და აუმჯობესებს მიკროცირკულაციას.
ლიმფოდრენაჟული მასაჟი: კრემის წასმისას გააკეთე მსუბუქი მოძრაობები ცენტრიდან პერიფერიისკენ და ყურებიდან ყელის გასწვრივ, ქვემოთ. ეს დაეხმარება ზედმეტი სითხის გადინებას.
ანტიოქსიდანტები: რადგან კანი დაჟანგვითი სტრესის ქვეშაა, გამოიყენე C ვიტამინის ან რესვერატროლის შემცველი საშუალებები, რომლებიც თავისუფალ რადიკალებს ანეიტრალებენ და ფერს აცოცხლებენ.
იმ შემთხვევაში თუ სახლის მეთოდები საკმარისი არ აღმოჩნდა და გსურს მყისიერი ეფექტი, კლინიკა “მედი” გთავაზობს პროცედურებს, რომლებიც ფოკუსირებულია ღრმა დატენიანებასა და სტრუქტურის აღდგენაზე, რომლებიცაა:
ბიორევიტალიზაცია
ეს არის ჰიალურონის მჟავის მიკროინექციები (არა ფილერი), რომლის მიზანია კანის ჰიდრო-რეზერვის შევსება ღრმა შრეებში. ბიორევიტალიზაცია ასწორებს გამოშრობით გაჩენილ წვრილ ნაოჭებს, აუმჯობესებს კანის ტურგორს (სიმკვრივეს) და ებრძვის გლიკაციით გამოწვეულ არაჯანსაღ ფერს.
RF ლიფტინგი
იდეალურია მათთვის, ვისაც სადღესასწაულო პერიოდის შემდეგ კანის ტონუსის დაქვეითება აწუხებს. რადიოტალღური ენერგია ათბობს დერმისს და ასტიმულირებს კოლაგენის ახალი ბოჭკოების გამომუშავებას. შედეგი არის მკვეთრი ლიფტინგი და „დასვენებული“ იერი.
HydraFacial – აპარატული დეტოქსი
ეს არის უნიკალური ტექნოლოგია, რომელიც აერთიანებს ექსფოლიაციას (გარქოვანებული ფენის მოცილებას) და შრატების შეყვანას ვაკუუმის დახმარებით. პროცედურა აუმჯობესებს ლიმფის დინებას, ხსნის შეშუპებას და კანს მომენტალურად ანიჭებს სიგლუვეს.
ნუ მისცემ უფლებას სადღესასწაულო დაღლილობას, კვალი დატოვოს შენს გარეგნობაზე. დაგეგმე ვიზიტი კლინიკა „მედიში“ და დაიწყე ახალი წელი განახლებული, ბრწყინვალე კანით, რადგან შენ იმსახურებ საუკეთესოს!
დამატებით, იხილეთ ჩვენი სტატია ბოტოქსის შესახებ.
